خیالیمدا گئجه گوندوز سنه ناز ائیله میشم

 

وصل اوچون تانری یا چوخ راز و نیاز ائیله میشم

 

بیر عؤموردور کی فراغیندا دؤزوب اؤزله ميشم

 

حسرتینده دفه لر قیش لاری یاز ائیله میشم

 

گؤز یاشیم سئیله دؤنوب کؤنلوم اولوب قان چاناغی

 

سن اوچون غم یئمه یه کؤنلومو باز ائیله میشم

 

اوره ییم خسته له نیب درد و مکدّرله دولوب

 

دردیمی اؤزگه یه قارشی نئجه راز ائیله میشم

 

فراغین باغریمی قان ائتدی بوتون ایللرده

 

هئچ بیلیرسن سن اوچون عؤمرو نه آز ائیله میشم؟

 

گولون عشقینده یانان بولبولو شیدا کیمی من

 

عشق اوچون کؤنلومو من محرم راز ائیله میشم

 

شمع رویینده قاناد چالماغا واردیر هوسیم

 

کپنک تک سنه من حیسّی نیاز ائیله میشم

 

موتلویام واردی اومیدیم گئری دؤنمم ابدا

 

سنه چاتماق اوزه ره گؤیلومو ساز ائیله میشم




تاريخ : دوشنبه 20 مهر 1394 | 20:55 | نويسنده : solaleh20 | ارسال نظر(0)

ورود کاربران

خوش آمدید! لطفا وارد حساب خود شوید

رمز عبور را فراموش کرده‌اید؟
حساب کاربری ندارید؟

فراموشی رمز عبور

نام کاربری یا ایمیل خود را وارد کنید

یا

ثبت نام کاربران

در چند ثانیه حساب کاربری خود را بسازید

قبلا ثبت نام کرده‌اید؟

نظرات کاربران

دیدگاه خود را با ما در میان بگذارید